Нээрээ ч юм уу?

Эрээнээс эхнэрийнхээ авчирсан барааг зах дээр зарахаар өглөө явсан эр шөнө гэртээ согтуу орж ирэв.
-Би ёстой жинхэнэ наймаа олчлоо. Цэргийн андтайгаа тааралдаад, спирт оруулах сүвгийг нээчихлээ гээд өөрөөрөө бахарсан байртай амаа жимийн толгойгоо сэгсэрэн гадуур хувцсаа тайлахгүй тэр данхалзан зогсоно. Уураа барьж чадахгүй харааж хүлээсэн эхнэр нь нөхрийнхөө байдлыг хараад гэнэт балмагтан “нээрээ ч юм бол уу” гэсэн бодол төрөн дуугүй харч зогсоно. Гай тарьвал дальдчаад дуугарч чаддаггүй нөхөр энэ удаа гавъяа байгуулсан мэт зогсоход
-За, за, за тэр яадаг юм. Худлаа л биз. Архи ууснаа зөвтгөх гэж... чи зүгээр мөнгө гаргаад ир, хэрэв дутсан бол хохь чинь шүү гэлээ. Залуу жинсэн яакныхаа энгэрийг яран дотуураа зүүсэн түрүүвчнээс атганд багтахааргүй баглаа дэвсгэртүүд гаргаж өгчихөөд урам хугарсан аятай хушуугаа шовойлгон хамраараа хүнн, хүнн гэтэл хүчлэн амьсгалж хана налан, урагш хойш тонголзоно. Мөнгийг дор нь мэргэжлийн тоолсноо, тооцоолсноос таван мянган төгрөг л дутаж байгаад сэтгэл тайвширсан хүүхэн
-Үгүй чи юу хийгээд зогсоод байгаа юм бэ? Хувцсаа тайлаач гэнгээ малгайг нь авч өлгөн, яакыг нь тайлав.
-Хм, хүн өдөржин шороо шуурганд зогсож байгаад ирэхэд, ингэж угтана гэнээ. Яадаг юм би найзтайгаа тааралдаад, архи уулаа. Өөрөөсөө мөнгө гаргасангүй дайлуулаад наймаа ярьчихаад ирж байна. Гэтэл чиний байж байгааг хэмээн үүдний сандал дээр суун гутлаа тайлахаар гараа дэмий сарвайна. “Үнэн ч юм болов уу” гэж бодсон эхнэр
-Мөнгө үрээгүй гэнэ шүү, таван мянга хаачсан юм бэ? гэтэл залуу гэнэт уурлаж
-Хаачдаг юм энд байна гээд ходоодоо заан
-Би өлсөж байна мэдэв үү, одоо бүр хоол ч идэж болохгүй болчихоо юу аанн!? гээд хана гараараа дэлсэв.
-За, за, за чи битгий солиор, дуугаа тат. Хүн амьтан сэрээчихлээ гээд эхнэр нь нөхрийхөө гутлыг тайлав. Эд долоо настай хүү, өндөр настай эхтэйгээ хамт 40 мянгатад хоёр өрөө байранд амьдардаг. Эхнэрээ итгүүлж чадсан эр дуугаа намсган гомдонгуй
-Өнөөдөр ямар шуургатай байсныг хараа биз дээ. Чамайг Чаки Чанаа үзээд ангайгаад хэвтэж байхад чинь би тэр шороо тоосонд харлаад зогсож байлаа шүү дээ гэв. Нээрээ ч өнөөдөр бүсгүй Эрээнээс авчирсан Чаки Чаны шинэ киногоо үзэж, вагонд явсан алжаалаа тайлан, банштай цай хийж уун амарсан шиг амарчээ. Тэрээр Чаки Чаны кинонд нугасгүй дуртай, жинхэнэ шүтэгч нь ба өрөөгөө зургаар нь дүүргэсэн. Нөхрийнхөө ярьсныг үнэн л дээ гэж хүүхэн дотроо зөвшөөрсөнөө
-За миний найз, одоо гар хөлөө угаагаад хоол ид гээд согтуу эрийг сугадан босгов.

Галт тогоонд лавшаа идэж байхад өөдөөс нь шанаагаа тулан захын ханш, байдлыг асууж суусан эхнэртээ согтуу эр юм л бол дахин, дахин
-Манай найз үнэхээр томорчээ. Би ч удахгүй томорно. Гаальд ажилд орсон гэнэ, намайг 3 сая төгрөг өгөөд эргэлдүүл, спирт оруулж ирнэ, заралц гэж байна хэмээн ярьж байв. Жижиг өрөөндөө ганцхан дотоожтой бусад хувцсаа тайлуулчихаад орон дээр сууж байхдаа ч гэсэн тэрээр
-Манай найз үнэхээр томорчээ. Намайг хараад л шууд жипээ зогсоогоод Ганбаа, Ганбаа гээд л гүйгээд ирж байгаа юм чинь. Аргагүй шүү дээ, цэрэгт би жаа нь байсан юм чинь... Үнэхээр томорно гэдэг ийм л байдаг байх. Баянголд оруулаад юу уух уу, юу идэх үү гэдэг байна шүү дээ. Надад 5 сая төгрөг эргэлтэнд оруул, спирт оруулж ирнэ, заралц, орлогоо тэнцүү хуваая гэсэн гэж чалчсаар суув.

Нөхрийнхөө ярианд бүрэн үнэмшсэн бүсгүй хүүгээ хувийн сургуульд оруулчхаад жипээр хүргэж өгч байна гэж мөрөөдөн ханын гэрлээ бүдгэрүүлснээ толинд биеэ харангаа лээвчигээ тайлав. Ус цасанд ороод өнгө зассан хүүхнийг хальт хараад “Энэ чинь миний эхнэр мөн билүү” гэж бодсон эрийн гуужгай хатуурах мөчид
-За миний өвгөн одоо амар, найз нь боожгойг нь үнсээд өгье гээд бүсгүй нөхрийнхөө хушуун дээр үнсэж хойш нь хэвтүүлэв. Яагаад ч юм энэ хүүхэн нөхрөө халамцуу байхад загас наадуулах дуртай. Эрүүлдээ олиггүй болохоор нь ч тэрүү, эсвэл нөхрөө согтуу байхад нь дураараа авирлаж болно гэж боддог юм болов уу, тэр согтуу эртэй унтахад амар алдуурдаг. Архи ханхалсан хушуун дээр үнснээ хүүхэн мансуурч, өөрийн эрхгүй нүдээ анин цээжнээс доош гулган үнсэж, үнгэж, үнэрлэн дотоожыг нь тайлахаар зэхлээ. Доошлох тусам үнэр нэг л биш байсан ч нэгэнт сэрэлжсэн хүүхэн юм бодсонгүй. Дотоож мулталтал нэг л биш, гэвч нүдээ нээсэнгүй. Боос нөхрийнхөө боожгойг гээд үмхтэл... нойтон гондом! Бүү үзэгд, гутамшиг, шараа, доромжлол...

Дараа нь юу болсныг надад дүрслэх үг алга таминь ээ, өөрсдөө төсөөлцгөө; эхнэр нь намайг чи ингэж доромжлоод байх даа яадаг юм, сална, зайл, заваан новш, хулгайч, эрийн оронцог, пизда, сулралтай амьтан; нөхөр нь найзын эхнэр андуураад, нэг хүүхэн найзтай андуураад тасарсан хойно ингэсэн байна, би мэдэхгүй, бүү мэд, чи өөрөө хийчхээд, битгий донгос, хуц, солиор, пизда гэх үгс олон хэлж байлаа. Эхэндээ хэрүүл хэзээ ч намдахааргүй санагдсан ч сүүлдээ үүр цайхад хамаг амьтныг сэрээсэн гайтай эр гэнэт сэтгэн
-Гэхдээ би тавиагүй л байгаа биз дээ гэж учирлав. Нээрээ ч “углаастай үмхүүлсэн эр” тавиагүй гэдэг гарцаагүй болохоор
-Тийм л дээ, гэхдээ л... гэж хүүхэн хүлээн зөвшөөрөхөөс өөр арга олдсонгүй.

Мэдээж ийм хэрүүл нэг өдөр намжихгүй залуу засрахыг хэчнээн хичээсэн ч жаахан л юмнаас сэдрээд хэцүү. Архинаас гарна гэж амлаж үзэв, ажилд орно гэж хэлж үзэв, хүүхдээ Эрлийн сургуульд оруулахаар хөөцөлдөхөөр ч болов гэвч нэмэргүй. Сүүлдээ хэрүүлээс залхсан эр зүгээр байхад хэрүүл өдөөд байгаа авгайгаа хардаж “Эр хүн нэг удаа кондомоо сугалалгүй ирээ л биз, яадаг юм. Ямар тавьсан биш. Тэр битгий хэл янхантай кондомгүй явчихаад авгайтайгаа унтдаг хүмүүсийг алийг тэр гэхэв... Энэ муу одоо хэнтэй яваад байнаа, сүүлийн үед урагшаа их яваад байгаа юмаа. Чаки Чан, Чаки Чан гээд л солиорох юм” гэж бодох болов. Тэгээд нэг удаа хэрэлдэхэд мань эр тэсэлгүй
-Ээ ээ, чи муу тэгэж ярих юм бол, Чаки Чаныг Монголд ирвэл унтана ш дээ гээд хуруугаа гозойлгон, нүдээ сүүмэлзүүлэн заналтай хэлэв. Нээрээ-ч-юмууд хэлэх үг олдсонгүй.
-Хужаатай унтахаас сийхгүй байж, чи юун сүртэй юм. Би ямар тавьсан биш гэж залуу эцэст нь эр хүн шиг дуугарлаа.

2007.08.5
23.26